گوجرخان(نامہ نگار)گوجرخان کے علاقے جھلیاری بھائی خان نزد ٹول پلازہ مندرہ سے گزرنے والے ریلوے ٹریک پر گزشتہ شب پچھلے پہر ایک شخص ٹرین کی زد میں آکر جاں بحق ہوگیا بعد ازاں ذرائع نے بتایا کہ متوفی کا نام صفدر حسین ولد امیر علی اور عمر 60 سال تھی جبکہ وہ نگائل کے علاقے موہڑہ متیال کا رہائشی تھا ، ریسکیو ذرائع کے مطابق عوام علاقہ نے بتایا کہ متوفی کا ذہنی توازن درست نہ تھا۔
کیری ڈبہ اور کار میں تصادم ، 2افراد زخمی 
کلر سیداں (نامہ نگار) کیری ڈبہ اور کار کے درمیان تصادم کے نتیجے میں دو افراد زخمی ہو گئے ۔ٹریفک کا یہ حادثہ کلر سیداں بائی پاس کے قریب پیش آیا جہاں عمر نامی ڈرائیور اپنے کیری ڈبے کو کلر سیداں سے راولپنڈی لے جا رہا تھا کہ کوسٹر کو اوور ٹیک کرتے ہوئے گاڑی کا سٹیرنگ فری ہو جانے کے باعث گاڑی بے قابو ہو کر بس کیساتھ ٹکرانے کے بعد مخالف سمت سے آنے والی کاری کیساتھ جا ٹکرائی جس کے نتیجے میں کیری ڈبہ کا ڈرائیور شدید زخمی ہو گیا جبکہ کار کے ڈرائیور ذیشان طارق کو بھی جسم کے مختلف حصوں پر چوٹیں آئیں۔