خان گڑھ‘ بورے والا(نمائندہ خصوصی‘تحصیل رپورٹر)خانہ بدوشوں کی جھونپڑیوں میں آتشزدگی‘ گیس سلنڈر دھماکہ‘2شہری زخمی، ریسکیوکنٹرول روم مظفرگڑھ کے مطابق مظفرگڑھ کے نواحی علاقے شاہجمال میں فیکٹری کے قریب خانہ بدوشوں کی 3 جھونپڑیوں میں چولہے کی چنگاری سے آگ لگ گئی تھی جس کا مزید جھونپڑیوں تک پھیلنے کا خطرہ تھا،مقامی لوگوں نے جھونپڑیوں کے اندر موجود تمام افراد کو بحفاظت نکال لیا، اطلاع ملنے پر ریسکیوکنٹرول روم مظفرگڑھ نے فوری طور پر سنٹرل اسٹیشن مظفرگڑھ سے فائروہیکل اور ایک ایمبولینس کو جائے حادثہ پر روانہ کروا دیا۔ اور پولیس کنٹرول کو بھی انفارم کر دیا۔ریسکیو سٹاف نے جائے حادثہ پر پہنچ کر آگ پر قابو پالیا اور سلگتی جھوپنٹریوں کو کولنگ کی ۔ریسکیو سٹاف نے موقع پر موجود ایک زخمی  نوجوان 35 سالہ اکبر کو ابتدائی طبی امداد فراہم کی جوکہ سامان کو جھونپڑیوں سے نکالتے ہوئے معمولی زخمی ہوگیا تھا۔بورے والاسے تحصیل رپورٹر کے مطابق نواحی گائوں 291ای بی میں گیس سلنڈر پھٹنے سے جاوید زخمی ہوگیا جاوید سلنڈر کو چیک کر رہا تھا کہ اچانک سلنڈر دھماکے سے پھٹ گیا زخمی کو شد ٹی ایچ کیو ہسپتال منتقل کر دیا گیا ۔