تحریک منہاج القرآن کا استقبال ربیع الاول مشعل بردار جلوس آج نکالا جائیگا

لاہور (خصوصی نامہ نگار ) تحریک منہاج القرآن لاہور پی پی 156اور 148 کے زیر اہتمام استقبال ربیع الاول مشعل بردار جلوس آج بعد نمازِمغرب مغل پورہ چوک سے نکالا جائےگا۔صدر منہاج القرآن انٹرنیشنل ڈاکٹر حسین محی الدین قادری جلوس کی قیادت کرینگے۔ جلوس میں سجے ہوئے اونٹوں،بھگیوں،گھوڑوں اورموٹر سا ئیکلوں پر سوار ہزاروں افراد شرکت کرینگے۔تحریک منہاج القرآن کے مرکزی، صوبائی، ضلعی رہنما اور عوام الناس کی بڑی تعدادجلوس میں شرکت کرے گی۔ صدر تحریک منہاج القرآن عزیز بھٹی ٹاو¿ن شہباز حسین قادری، ناظم اسلم پرویز،طارق الطاف، حاجی محمد امجد قادری و دیگر جلوس کا استقبال کرینگے۔