بلاول کی سیاسی بصیرت سے ملک تنہائی سے نکلا ہے:اقبال مہر

گوجرانوالہ(نمائندہ خصوصی)پاکستان پیپلز پارٹی سٹی کے سینئر نائب صدر چودھری اقبال مہر نے کہاہے کہ چیئرمین بلاول بھٹو زرداری کی سیاسی بصیرت سے ملک خارجہ محاذ پر تنہائی سے نکلا ہے ‘ آنے والا وقت پیپلز پارٹی کے جیالوں کا ہے پیپلز پارٹی کا وزیر اعظم آئے گا تو عوام کو ریلیف ملے گا کیونکہ سب پارٹیوں کو آزما لیا گیا ہے ایک مرتبہ پیپلز پارٹی کو پنجاب سمیت ملک بھر میں حکومت کا موقع ملنا چاہیے، پیپلز پارٹی کی مقبولیت میں دن بدن اضافہ ہورہا ہے، پیپلز پارٹی نے پسماندگی اور محرومی پر سیاست کرنے کے بجائے ان کے خاتمے پر توجہ دی ہے،پیپلز پارٹی نے ہمیشہ ایشوز پرسیاست کی ہے ،اگر کوئی تبدیلی ملک میں آئی ہے تو ہمارے قیادت کے وژن سے آئیگی۔انہوں نے کہا کہ چیئرمین بلاول بھٹو کی قیادت میں الیکشن جیتیں گے۔