گوجرانوالہ (نمائندہ خصوصی )سابق وزیراعلیٰ پنجاب حمزہ شہباز شریف سے توفیق بٹ کی ملاقات، قائد مسلم لیگ( ن ) میاں نواز شریف کی وطن واپسی ، آئندہ الیکشن اور دیگر پارٹی امور پر تفصیلی بات چیت، ملاقات میں سیکرٹری انفارمیشن حلقہ پی پی 62ایوب بٹ بھی موجود تھے۔مسلم لیگ کے ڈویژ نل جنرل سیکرٹری سابق ایم پی اے توفیق بٹ نے سابق وزیر اعلی پنجاب اور مرکزی نائب صدر مسلم لیگ (ن) میاں حمزہ شہباز شریف سے خصوصی ملاقات کی اور انکے ساتھ مختلف امور پر تفصیلی تبادلہ خیال کیا۔ اس موقع پرمیاں حمزہ شہباز شریف نے قائد میاں نواز شریف کی وطن واپسی کے حوالے سے بھر پور تیاریوں کی ہدایت دیتے ہوئے کہا کہ تمام قومی و صوبائی حلقوں اور یونین کونسلوں میں اس حوالے سے پارٹی کارکنوں کو متحرک کیا جائے اور انکے ساتھ رابطے تیز کئے جائیں انہوں نے پارٹی کے لئے توفیق بٹ کی خدمات کو سراہتے ہوئے کہا کہ بلا شبہ ان جیسے کارکنوں پر قیادت کو فخر ہے ۔