لاہور(کلچرل رپورٹر) حلقہ ارباب خیال لاہور کے زیر اہتمام معروف شاعر اور استاد خورشید ربانی کی کتاب اردو ’’نعت میں تلمیحات‘‘ کی تقریب رونمائی اور نعتیہ مشاعرہ منعقد کیا گیا۔ تقریب کی صدارت باقی احمد پوری نے کی۔ کتاب پر اظہار خیال کرنیوالوں میں ڈاکٹر یونس خیال، شفیق احمد خان، پروفیسر محمد عباس مرزا اور احتشام حسن خان شامل تھے۔ مقررین نے اپنے اپنے انداز میں اس منفرد نوعیت کے کام کو سراہا اور اس کتاب کو نعتیہ ادب میں گراں قدر اضافہ قرار دیا۔ تقریب کے دوسرے حصے نعتیہ مشاعرے میں جن احباب نے اپنا کلام پیش کیا ان میں باقی احمد پوری، ڈاکٹر یونس خیال، خورشید احمد ربانی، پروفیسر محمد عباس مرزا ، شفیق احمد خان، ضیا حسین، احتشام حسن ، عاطف جاوید عاطف، طلحہ غفور، عروج درانی اور محمد علی کاظمی شامل تھے۔