لاہور(نیوز رپورٹر)مسلم لیگ ن کی سینئر رہنما والدہ عطااللہ تارڑ ساجدہ فاروق تارڑ نے اپنے آفس حلقہ این اے 127میں ربیع الاول کی مناسبت سے خواتین کی محفل میلاد النبیؐ کی روح پرور محفل کا انعقاد کیا گیا جس میں حلقہ کی عقیدت مند خواتین کی بڑی تعداد نے شرکت کی اور حضور نبی اکرمؐ  کی ولادت باسعادت کا جشن انتہائی مذہبی جوش و خروش سے منایا۔ مہمان خصوصی سابق ایم پی اے غزالہ سعد رفیق، بی بی وڈیری، رشدہ لودھی،رابعہ افضل ،فرح دیبا ،معروف نعت خواں فیضیاب، کشور باجوہ، طاہرہ عزیز، شمیم مصطفی ، رخسانہ تاج، شمیم اختر، ثمر اعجاز، نسیم بانو، مہوش ارشد، سعدیہ ملک، شہباز طالب پرسنل سٹاف آفیسر ٹو وفاقی وزیر،حمزہ ملک اور دیگر احباب نے شرکت کی ۔