پی ٹی آئی نے فوج کی مضبوطی کیلئے اقدامات کئے:غلام نبی ورک

شیخوپورہ (نامہ نگارخصوصی)پاکستان تحریک انصاف کے سینئر رہنماو میونسپل کمیٹی شیخوپورہ کے سابق اپوزیشن لیڈرحاجی غلام نبی ورک نے کہا ہے کہ پاکستان تحریک انصاف نے اپنے دور اقتدار میں افواج پاکستان کو مضبوط بنانے کیلئے مثالی اقدامات اٹھائے اورفوج مخالف سازشیں کرنے والوں کا کڑا محاسبہ کیا اب بھی ہم اپنی بہاد ر افواج کی پشت پر کھڑے ہیں اور انہیں ہر لحاظ سے فعال اورمضبوط دیکھنا چاہتے ہیں تاکہ دشمن قوتیں ملک و قوم پر کسی طرح کی جارحیت مسلط کرنے کی جرات نہ کرسکیں پاکستانی فوج کی بہادری اورپیشہ وارانہ صلاحیتیں کسی سے ڈھکی چھپی نہیں پاک فوج نے دشمن کے مذموم عزائم کو ہمیشہ ناکام بنا یا ہمارے بہادر جوانوں کی بے مثل قربانیوں سے ہماری قومی تاریخ لبریز ہے جنہیں کبھی فراموش نہیں کیا جائے گا۔