حافظ آباد(نمائندہ نوائے وقت)پنجاب کونسل آف دی آرٹس گوجرانوالہ ڈویژن کی جانب سے حکومت پنجاب کی طرف سے پیارے نبی کریم حضرت محمد ؐ کی ولادت با سعادت 12ربیع الاول کے سلسلہ میں 3روزہ اسلامی خطاطی نمائش 2024ء کا انعقاد کیا گیا۔ جسمیں 50 سے زائد آرٹسٹوںخطاط کے فن پارے آویزاں کئے گئے اس بابرکت نمائش کا افتتاح بدست عالمی ایوارڈ یافتہ مصور خطاط سینئر صحافی شفقت علی جاوید ،آرٹسٹ تابش سیالوی، ڈائریکٹر آرٹس کونسل گوجرانوالہ غلام عباس ا ور دیگر افسران نے کیا۔ نمائش کے موقع پر ڈائریکٹر آرٹس کونسل گوجرانوالہ غلام عباس کو چاول کے دانے پر بسم اللہ کلمہ لکھ کر اور دال کے دانے پر خانہ کعبہ اور روضہ رسولؐبناکر پیش کیا۔