حافظ آباد(نمائندہ نوائے وقت) جشن عیدمیلادالنبی ؐ کے سلسلہ میں کل حافظ آباد شہر میںتین بڑے جلوس نکالے جائیں گے۔ پہلا مرکزی اور قدیمی جلوس ونیکے چوک سے صبح ساڑھے آٹھ بجے شروع ہوگا جس کی قیادت جماعت الصفہ کے سربراہ بیرسٹر سید وسیم الحسن نقوی، علامہ احمد سعید سیال، علامہ محمد اشرف سیال، علامہ فیصل ندیم کیلانی، علامہ حبیب اﷲجلالی، پروفیسر محمد اکرم چشتی، قاری حافظ محمد اجمل نقشبندی، مولانا قاری محمد یوسف ایم اے،مولانا امتیاز اسد،صاحبزادہ سید عثمان شاہ، مولانا محمد رضا مدنی، شہید احمد انصاری ودیگر کریں گے۔دوسربڑا جلوس فوارہ چوک سے علامہ غلام مصطفے سلطانی کی قیادت میں شروع ہوگا ۔اور تیسرابڑاجلوس دعوت اسلامی کے زیر اہتمام بعد نماز عصر ماڈل بازار سے شروع ہوگا جس کی قیادت ضلعی نگران وسیم عطاری کریں گے۔