عیدمیلاد النبیؐ کے موقع پر بجلی کی بلا تعطل  فراہمی کو یقینی بنایا جائیگا:محمد ایوب

گوجرانوالہ(نمائندہ خصوصی )چیف ایگزیکٹوگیپکو انجینئرمحمد ایوب نے کہا ہے کہ جشنِ عیدمیلاد النبیؐ کے موقع پر بجلی کی بلا تعطل فراہمی کو یقینی بنایا جائے گا اس سلسلہ میں گیپکو کے تمام سب ڈویژن دفاتر میں سپیشل ٹیمیں تشکیل دے کر ڈیوٹیاں لگا دی گئی ہیں۔ انہوں نے کہا کہ محسنِ کائنات حضور ؐ کے یومِ ولادت کی تقریبات کو بجلی کی مسلسل فراہمی کیلئے خصوصی انتظامات کئے گئے ہیں اس موقع پر مستعد عملہ اور مطلوبہ سامان و آلات سے آراستہ گیپکو کی گاڑیاں بجلی سے متعلق کسی بھی ہنگامی صورتحال سے نمٹنے کیلئے ہر دم تیاررہیں گی۔ چیف ایگزیکٹو نے مزید کہا کہ صارفین کی خدمت کیلئے ریجن بھرکے کمپلینٹ سنٹرز روٹین کے مطابق کُھلے رہیں گے جبکہ ایمر جنسی سکواڈ میں شامل ملازمین اور افسران کی 24گھنٹے دستیابی کو بھی یقینی بنا یا گیا ہے تا کہ اس مقدس تہوار پر بجلی کے ہنگامی مسائل کو فی الفور حل کیاجا سکے۔