چیمپئنز ون ڈے کپ: مارخورز نے سٹالینز کو 126 رنز سے شکست دیدی 

لاہور(سپورٹس رپورٹر) چیمپئنز ون ڈے کپ 2024 کے چوتھے میچ میں مارخورز نے سٹالینز کو 126 رنز سے شکست دیدی۔فیصل آباد میں ہونیوالے چیمپئنز ون ڈے کپ کے چوتھے میچ میں مارخورز کی ٹیم 45 اوورز میں 231 رنز بنا کر پویلین لوٹ گئی۔ افتخار احمد 60 اور سلمان علی آغا 51رنز بنا کر نمایاں رہے۔ جہانداد خان نے 4، مہران ممتاز نے 3  وکٹیںحاصل کی۔  سٹالینز کی ٹیم 24 ویں اوور میں 105 رنز بنا کر پویلین لوٹ گئی، بابر اعظم 45 رنز بنا کر نمایاں رہے، شان مسعود نے 19 رنز بنائے جبکہ دیگر کوئی کھلاڑی ڈبل فگر میں داخل نہ ہوسکا۔ زاہد محمود نے 5، سلمان آغا نے 3 جبکہ نسیم شاہ نے 2 وکٹیں حاصل کیں۔زاہد محمود کو میچ کا بہترین کھلاڑی قرار دیا گیا ۔