لاہور(سپورٹس رپورٹر ) سائوتھ ایشین جونیر اتھلیٹکس چیمپئن شپ میں مایوس کن کارکردگی دکھانے کے بعد قومی جونیر اتھلیٹکس ٹیم وطن واپس پہنچ گئی۔بھارت کے شہر چنائی میں منعقدہ ساف جونیئر اتھلیٹکس چیمپئن شپ میں شریک بارہ پاکستانی اتھلیٹس ایونٹ میں ایک بھی میڈل جیتنے میں ناکام رہے۔من پسند افراد کو نوازا گیا۔ پاکستان سپورٹس بورڈ نے اتھلیٹکس فیڈریشن کو دو سال میں 93ملین کے فنڈز دیئے۔ پاکستان سپورٹس بورڈنے ٹیم اور آفیشلز کی سلیکشن پر بھی سوال نہیں اٹھائے۔چیمپین شپ میں شریک سات ممالک میں پاکستان آخری نمبر پر رہا ۔