خوشاب : ڈبل سواری پر ایک ہفتے کیلئے پابندی عائد کردی گئی ، پابندی کا اطلاق سولہ ستمبر سے بائیس ستمبر تک ہوگا۔
تفصیلات کے مطابق حکومت پنجاب نے خوشاب میں اسلحے کی نمائش اور ڈبل سواری پر دفعہ 144 عائد کردی اور نوٹیفکیشن جاری کردیا۔محکمہ داخلہ پنجاب کی جانب سے جاری نوٹیفکیشن میں کہا گیا کہ خوشاب میں اسلحے کی نمائش، فائرنگ، ڈبل سواری پرایک ہفتے کیلئے پابندی عائد کی گئی ہے۔آرڈرز میں کہا گیا ہے کہ کوئی شہری لائسنس یافتہ اسلحہ بھی نہیں رکھ سکتا. تاہم قانون نافذ کرنے والے اداروں کے نمائندگان کو سکیورٹی ڈیوٹی کے پیشِ نظر پابندی سے استثنیٰ ہوگا اور پابندی کا اطلاق سولہ ستمبر سے بائیس ستمبر تک ہوگا۔ڈسٹرکٹ انٹیلیجنس کمیٹی خوشاب نے ڈپٹی کمشنرکی صدارت میں دفعہ ایک سو چوالیس کے نفاذ کی سفارش کی تھی. محکمہ داخلہ پنجاب نے دفعہ ایک سوچوالیس کے نفاذ کا نوٹیفکیشن جاری کردیا ہے۔