مانچسٹرسٹی کے ہوم گراؤنڈ پر کھیلے جانے والے میچ میں دونوں ٹیموں کے درمیان کانٹے دار مقابلے کی توقع کی جا رہی ہے۔ پریمیئر لیگ پوائنٹس ٹیبل کی دوسری پوزیشن پر موجود مانچسٹر یونائیٹڈ کو ٹائٹل کی دوڑ میں شامل رہنے کے لیے اس میچ میں ہر صورت کامیابی حاصل کرنا ہو گی۔ ٹخنے کی انجری میں مبتلا مانچسٹریونائٹیڈ کے سٹرائیکر وین رونی کی آج کے میچ میں بھی شرکت مشکوک ہے۔ دوسری جانب پوائنٹس ٹیبل کی چوتھی پوزیشن پر موجود مانچسٹر سٹی کی ٹیم پریمیئر لیگ ٹائٹل جیتنے کی دوڑ میں تو شامل نہیں ہے، لیکن آج کے میچ میں کامیابی کی صورت میں اس کے یوئیفا چیمپئنز لیگ کے فائنل راؤنڈ تک رسائی حاصل کرنے امکانات روشن ہو جائیں گے۔ لیگ کے دوسرے اہم میچ میں پوائنٹس لیڈر چیلسی کا مقابلہ ٹوٹن ہیم سے ہو گا