پولیس کے مطابق نوشہرہ کے علاقے زیارت کاکا صاحب میں شر پسند عناصر نے گورنمنٹ گرلز پرائمری سکول کی دیوار کے ساتھ بارودی مواد نصب کررکھا تھا جو دھماکے سے پھٹ گیا۔ دھماکے کے نتیجے میں سکول کے تین کمرے مکمل طور پر تباہ ہوگئے تاہم کوئی جانی نقصان نہیں ہوا۔ واقعہ کے بعد پولیس نے سرچ آپریشن کے دوران بیس سے زائد مشتبہ افراد کو گرفتار کرلیا ہے۔ تعلیم دشمن عناصر نوشہرہ میں مختلف واقعات میں اب تک سات سکولوں کو نشانہ بنا چکے ہیں۔