لاہور ( پ ر)پنجاب یونیورسٹی قومی سطح پر موجودہ صورتحال میں مثبت سرگرمیوں کو فروغ دینے کے لئے آن لائن ہم نصابی مقابلے، مفت کورسراور دیگر اقدامات کرے گی۔ اس سلسلے میں وائس چانسلر پنجاب یونیورسٹی پروفیسر نیاز احمد نے مختلف شعبہ جات کے سربراہان سے علیحدہ علیحدہ ملاقاتیں کی۔ ملاقاتوں میں وائس چانسلر پروفیسر نیاز احمد نے کہا کہ موجودہ صورتحال میں گھروں میں عوام میں مثبت سرگرمیوں میں مصروف رکھنا کرونا کے خلاف جنگ میں اہم کردار کا حامل ہے ۔ انہوں نے کہا کہ پنجاب یونیورسٹی کا شعبہ امور طلباء ہم نصابی سرگرمیوں کے مختلف آن لائن مقابلے منعقد کرائے گا ۔