لاہور (نامہ نگار) انسپکٹر جنرل پولیس پنجاب شعیب دستگیر نے 8 پولیس افسران کی تقرری و تبادلے کے احکامات جاری کیے ہیں۔ تفصیلات کے مطابق تقرری کے منتظر ڈاکٹر سردار غیاث گل خان کو ڈی پی او جھنگ، ڈی پی او جھنگ محمد حسن رضا خان کو سنٹرل پولیس آفس پنجاب لاہور، ایس پی سپیشل برانچ ملتان ریجن امیر تیمور کو ڈی پی او ساہیوال، ڈی پی او ساہیوال کیپٹن ریٹائرڈ محمد علی ضیاء کو ڈی پی او بھکر، ڈی پی او بھکر فیصل گلزار کو ڈی پی او سرگودھا، ڈی پی او سرگودھا عمارہ اطہر کو اے آئی جی مانیٹرنگ اینڈ کرائم اینالسسز انوسٹی گیشن برانچ پنجاب لاہور، اے آئی جی مانیٹرنگ اینڈ کرائم اینالسز انوسٹی گیشن برانچ پنجاب لاہور اسد سرفراز خان کو ایس ایس پی ایم ٹی پنجاب لاہور جبکہ ایس ایس پی ایم ٹی پنجاب لاہور اویس احمد کو سنٹرل پولیس آفس پنجاب لاہور میں رپورٹ کرنے کے احکامات جاری کیے ہیں۔