یوئیفا یورپیئن انڈر 21چیمپئن شپ کے کوارٹر فائنلز مئی میں کھیلے جائیں گے

بڈاپسٹ(آئی این پی)یوئیفا یورپیئن انڈر 21چیمپئن شپ کے کوارٹر فائنلز مقابلے 31مئی کو کھیلے جائیں گے۔ دفاعی چیمپئن سپین، ہالینڈ، اٹلی اور جرمنی نے کوارٹر فائنل کیلئے کوالیفائی کیا ہے۔یوئیفا کے زیر اہتمام انڈر 21 چیمپئن شپ کے دلچسپ مقابلے ہنگری اور سلووینیا میں جاری ہیں۔ میگا ایونٹ کے چاروں کوارٹر فائنل 31 مئی کو کھیلے جائیں گے۔ دفاعی چیمپئن سپین کا مقابلہ کروشیا سے ہوگا۔ جرمنی کی ٹیم ڈنمارک سے نبرد آزما ہو گی۔ اٹلی کا میچ پرتگال سے ہوگا جبکہ ہالینڈ کی ٹیم فرانس سے پنجہ آزما ہو گی۔