مونٹی کارلو ماسٹرز ٹینس ، الیگزینڈر زویریف سٹیفانوس مینز سنگلزسیمی فائنل میں داخل

لاہور(سپورٹس ڈیسک)جرمنی  کے ٹینس سٹار الیگزینڈر زویریف اور یونان کے ٹینس سٹار اور ایونٹ کے دفاعی چیمپئن سٹیفانوس مونٹی کارلو ماسٹرز ٹینس ٹورنامنٹ کے مردوں کے سنگلز مقابلوں کے سیمی فائنل رائونڈ میں پہنچ گئے ۔ مینز سنگلز کوارٹر فائنل رائونڈ میں جرمن الیگزینڈر زویریف نے نے اطالوی حریف جینک سنر کو 7-5،3-6 اور 6-7(5-7)سے شکست دے کر  ٹاپ فور کیلئے کوالیفائی کرلیا۔ یونانی   دفاعی چیمپئن سٹیفانوس نے سخت مقابلے کے بعد ارجنٹائن کے ڈیاگو شوارٹزمین کو 2-6، 7-6(7-3) اور 4-6سے ہرا کر سیمی  فائنل  رائونڈ کیلئے کوالیفائی کرلیا۔ہسپانوی ٹینس کھلاڑی الیجینڈرو ڈیوڈووچ فوکینا اور بلغاریہ کے گریگوردیمتروف نے میچز جیت کر ٹا پ فور رائونڈ کیلئے کوالیفائی کرلیا۔امریکی راجیو رام اور ان کے برطانوی جوڑی دار جو سیلبسری پر مشتمل ایونٹ کی ٹاپ سیڈڈ جوڑی نے مینز ڈبلز سیمی فائنل میں پہنچ گئی ۔ انہوں نے کوارٹر فائنل میچ میں جرمن کھلاڑی ٹم پوٹز اور ان کے نیوزی لینڈ کے جوڑی دار مائیکل وینس 4-6 اور 3-6 سے ہرا کر ٹورنامنٹ کے سیمی  فائنل کیلئے کوالیفائی کرلیا۔