تنگوانی ( نامہ نگار ) تنگوانی تصادم  میںدو افراد جاں بحق ہوگئے۔تفصیلات کے مطابق سندھ بلوچستان کے سرحدی پٹی ملگزاری پولیس تھانہ کی حدود میں بگٹی برادری کے دو گروپوں میں تصادم ہوگیا۔ دونوں گروپ کا ایک دوسرے پر جدید اسلحہ سے فائرنگ کردی جس کے نتیجے میں  2 افراد جاں بحق 5 سے زائد زخمی ہوگئے۔ ذرائع نے بتایا ہے کہ واقعہ زمین تنازعہ پر پیش آیا فائرنگ کی زد میں آکر جاں بحق ہونے والوں میں شیر علی بگٹی عزیز اللہ بگی شامل ہیں۔ دوسری جانب زخمیوں میں بگا بگٹی۔سیوا بگٹی  قالو بگٹی  دلا بگٹی اور دیگر شامل ہیں دونوں گروپوں میں سخت کشیدگی ہے  فائرنگ کا تبادلہ جاری  ہے ۔علاقہ میدان جنگ بن گیا اطلاع ملنے پر پولیس اور لیویز کے اہلکاروں نے  زخمیوں کو سول اسپتال منتقل کردیا ہے ۔ علاقے میں ماحول سوگوار ہو گیا ہے علاقہ دونوں گروپوں کے لیے نو گو ایریا بن گیا۔