پراناموٹرسائیکل ٹائرسٹاک کامال مہنگے داموں فروخت

بہاول پور(کامرس رپورٹر) پراناسٹاک کامال مہنگے داموں فروخت‘ موٹرسائیکل ٹائر کے پرانے سٹاک پرقیمت1354/- روپے درج جبکہ فروخت 1650 روپے میں کیاجارہاہے۔ بہاول پورکے شہری  اے آرچوہدری نے میڈیاسے گفتگوکرتے ہوئے بتایامیں نے موٹرسائیکل ٹائرخریدنے کیلئے الباسط ٹائرپوائنٹ شاپ نمبر11-12 خان پلازہ ملتان روڈ بہاول پور گیا توانہوں نے موٹرسائیکل ٹائرپینتھرکمپنی کاٹائردکھایاجس پر واضح طورپر قیمت 1354/- روپے درج تھی لیکن دکاندارنے کہاکہ یہ پراناسٹاک ہے اب اس کی نئی قیمت 1650/- ہے اس لئے اب میں اس ٹائر کوپرانی کی بجائے نئی قیمت پر فروخت کرونگا ۔شہری کی جانب سے بحث وتکرارکے باوجود دکاندار نے پرانی کی بجائے نئی قیمت پر ٹائر فروخت کیا اور رسید بھی نئی قیمت کی جاری کی شہری نے کنزیومرکورٹ بہاول پورسے فوری نوٹس لینے اوردکاندارکے خلاف کاروائی کامطالبہ کیا۔