لاہور(سپورٹس رپورٹر)سابق کپتان سلمان بٹ نے کپتان بابر اعظم اور ٹیم سے متعلق کہا ہے کہ بابر اعظم کی کپتانی سٹیٹس کو نہیں، ایسا کہنا سیاسی جملہ ہے، بابر اور رضوان ورلڈ نمبر ون اور ٹو ہیں۔ بابر اور رضوان ٹیم کو کئی میچ جتوا چکے ہیں، اگر دونوں کبھی سکور نہیں کرتے تو انہیں سپورٹ کرنا ہے اور ریڈ لائن نہیں دکھانی۔سٹرائیک ریٹ کے بجائے کامیابی اور نتائج کو دیکھنا چاہیے۔ صائم ایوب نچلے نمبروں پر اچھا کھیلتے ہیں، وہ کنٹرولڈ بیٹنگ کرتے ہیں اور جہاں مارتے ہیں شاٹ وہیں جاتا ہے۔ فخر زمان پہلے 6 اوورز کے بعد بہتر سٹرائیک ریٹ کےساتھ کھیلتے ہیں، فخر اور صائم ایوب جیسے کھلاڑی ٹیم میں ہونا ضروری ہیں۔