فلم انڈسٹری کا بحران کہیں باہر سے نہیں آیا اپنوںکی مہربانیاں ہیں:، زیمن خان

لاہور(کلچرل رپورٹر )اداکارہ زیمن خان نے کہا ہے کہ ابھی شوبز کے میدان میں میری کامیابیوں کا سفر جاری ہے اور جب میں سمجھوں گی کہ میں اپنی منزل تک پہنچ گئی ہوں تو میں خود ہی شوبز سے کنارہ کشی اختیار کر لوں گی۔ میرے پاس فلموں کی پیشکش موجود ہے، جو سکرپٹ اچھا لگتا ہے اس میں کردار نبھانے کی حامی بھر کر لگن سے کام کرتی ہوں۔میں نے فلموں کی تعداد کی بجائے ہمیشہ معیار کو ترجیح دی ہے۔  بعض حاسدین شروع سے ہی میرے خلاف محاذ قائم کئے ہوئے ہیں جس کا سلسلہ آج بھی جاری ہے مگر میرے مخالفین کو ہمیشہ ناکامی کا سامنا کرنا پڑا۔ میں نے ہمیشہ خدا کی ذات پر توکل کیا ہے اور اسی وجہ سے میرے مخالفین کو کبھی کامیابی نہیں ملی۔فلم انڈسٹری کا بحران کہیں باہر سے نہیں آیا یہ ہمارے اپنوں کی مہربانیاں ہیں۔لیکن آنے والے چند سالوں میں ہماری فلم انڈسٹری بالی ووڈ کا مقابلہ کرنے کے لئے تیار ہو گی۔