ساہیوال (نمائندہ نوائے وقت) گرمی کی شدت میں اضافہ بجلی کی باربار غیر اعلانیہ لوڈشیڈنگ سے شہری بلبلا اٹھے‘ بجلی کی لوڈشیڈنگ سے گھروں میں بیمار افراد اور روزہ داروں کو شدید پریشانی کا سامنا کرنا پڑ رہا ہے۔ پانی کی عدم دستیابی کے باعث خواتین کو گھریلو امور سرانجام دینے میں مشکلات آرہی ہیں۔ اس کے علاوہ عید کے باعث ٹیلر ز ماسٹر وں کو کپڑے سلائی کرنے میں رکاوٹ پیش آ رہی ہے۔ بازاروں اور مارکیٹوں میں بجلی غائب ہونے سے کاروبار متاثر ہو رہے ہیں۔ انہوں نے اعلیٰ حکام سے مطالبہ کیا ہے کہ رمضان المبارک مقدس مہینے میں غیر اعلانیہ لوڈشیڈنگ کا سلسلہ بند کیا جائے۔