تیسرا ٹی20: نیوزی لینڈ کا پاکستان کو جیت کیلئے 164 رنز کا ہدف

تیسرے ٹی ٹوئنٹی میچ میں نیوزی لینڈ نے پاکستان کو جیت کےلیے 164 رنز کا ہدف دے دیا۔ قذافی اسٹیڈیم لاہور میں کھیلے جارہے اس میچ میں نیوزی لینڈ کے کتپان ٹام لیتھم نے ٹاس جیت کر پہلے بیٹنگ کرنے کا فیصلہ کیا۔ مہمان ٹیم کے کپتان ٹام لیتھم نے 64 رنز کی اننگز کھیلی جبکہ تجربہ کار ڈیرل مچل نے 33 رنز بنائے۔  پاکستان کی ٹیم میں ایک تبدیلی کی گئی ہے جہاں زمان خان کی جگہ پر نسیم شاہ کو ٹیم میں شامل کیا گیا ہے۔ پاکستانی ٹیم کپتان بابر اعظم، محمد رضوان، فخر زمان، صائم ایوب، شاداب خان، افتخار احمد، عماد وسیم، فہیم اشرف، شاہین شاہ آفریدی، حارث رؤف اور نسیم شاہ شامل ہیں۔ نیوزی لینڈ کی کپتان ٹام لیتھم کر رہے ہیں جبکہ دیگر کھلاڑیوں میں چیڈ بوز، ول ینگ، ڈیرل مچل، مارک چیپمین، جمی نیشم، رچن رویندرا، ایڈم ملن، میٹ ہینری، اش سوڈھی اور بین لسٹر شامل ہیں۔