لاہور(سپورٹس رپورٹر)پاکستان کے سابق لیگ سپنر مشتاق احمد کو بنگلہ دیش کرکٹ ٹیم کا سپن بائولنگ کوچ تعینات کر دیا گیا۔ بنگلہ دیش کرکٹ بورڈ کی جانب سے مشتاق احمد کی تعیناتی کا اعلان سوشل میڈیا پوسٹ کے ذریعے کیا گیا۔مشتاق احمد زمبابوے کیخلاف ٹی ٹونٹی سیریز سے قبل سپن بائولنگ کوچ کے طور پر بنگلہ دیش ٹیم کو جوائن کریں گے اور رواں سال ویسٹ انڈیز اور امریکہ میں آئی سی سی ٹی ٹونٹی ورلڈ کپ کے اختتام تک ذمہ داری نبھائیں گے۔مشتاق احمد نے کہا کہ بطور سپن بائولنگ کوچ بنگلہ دیش کرکٹ ٹیم کا حصہ بننا میرے لیے بڑے اعزاز کی بات ہے۔