ٹرین واقعہ: پوسٹ مارٹم رپورٹ آ گئی، خاتون کی موت حادثاتی قرار  

لاہور (نوائے وقت رپورٹ) ملت ایکسپریس سے مبینہ طور پر گر کر جاں بحق ہونے والی خاتون کی پوسٹ مارٹم رپورٹ سامنے آگئی۔ چند روز قبل چلتی ٹرین میں خاتون اور بچے پر پولیس اہلکار کے تشدد کی ویڈیو سامنے آئی تھی۔ بعد ازاں چنی گوٹھ ریلوے سٹیشن کے قریب سے متاثرہ خاتون کی لاش ملی تھی۔ خاتون کی لاش ملنے کے بعد ان کی موت معمہ بن گئی تھی۔ تاہم اب پوسٹ مارٹم رپورٹ سامنے آئی ہے۔ پوسٹ مارٹم رپورٹ کے مطابق خاتون کی موت حادثاتی ہے، خاتون کے جسم پر زخموں کے 5 نشانات پائے گئے ہیں۔ پوسٹ مارٹم رپورٹ میں کہا گیا ہے کہ خاتون کی موت ہڈیاں ٹوٹنے اور زیادہ خون بہہ جانے سے ہوئی۔