قصور(نمائندہ نوائے وقت)دو مقامات پر پولیس مقابلوں کے دوران 3ڈاکو زخمی حالت میں گرفتار کرکے بھاری مال مسروقہ اور اسلحہ برآمد کرلیا گیا۔وقاص نامی شہری نے پولیس تھانہ گنڈاسنگھ کو اطلاع دی کہ ڈاکو رجی والا کے قریب 80 ہزار روپے اور دو موبائل چھین کر نرسری میں چھپے ہوئے ہیں،پولیس موقع پرپہنچ گئی تو ڈاکوؤں نے سیدھی فائرنگ کردی جس کی زد میں آکر ان کے اپنے ہی دو ساتھی زخمی ہوگئے جنہیں پولیس نے گرفتار کرکے دیگر ساتھیوں کو بھی ٹریس کرلیا۔دریں اثناء پولیس تھانہ مصطفی آباد میں پولیس مقابلہ کے بعد انتہائی خطرناک ڈاکو زخمی حالت میں گرفتارکرلیا گیا۔