اسلام آباد (اپنے سٹاف رپورٹر سے ) الشفاء ٹرسٹ آئی ہاسپٹل کے صدر میجر جنرل (ر) رحمت خان نے کہا ہے کہ حویلی لکھا اوکاڑہ میں آنکھوں کا ہسپتال تعمیر کیا جا رہا ہے جس سے مقامی افراد کو علاج معالجہ کی جدید ترین سہولیات میسر ہو جائیں گی۔ اس ہسپتال سے دیپال پور، پاکپتن، ساہیوال اور بہاولنگر کے رہنے والوں کو فائدہ پہنچے گا۔ جنرل رحمت خان نے صحافیوں سے بات چیت کرتے ہوئے کہا کہ ایک ڈاکٹر نے شہر کے قریب دو ایکڑ زمین عطیہ کی ہے اور وہ اس پر ہسپتال کی تعمیر کے اخراجات بھی برداشت کریں گے ۔