بانی پی ٹی آئی کے 6 کیسزمیں اور ان کی اہلیہ بشری بی بی کی درخواستِ ضمانت پر سماعت نہ ہو سکی۔

اسلام آباد کی ڈسٹرکٹ اینڈ سیشن کورٹ میں بانی پی ٹی آئی کے 6 کیسزمیں اور ان کی اہلیہ بشری بی بی کی ایک درخواستِ ضمانت پر سماعت نہ ہو سکی۔ ایڈیشنل سیشن جج طاہر عباس سپرا کے انسدادِ دہشت گردی عدالت میں تبادلے کی وجہ سے سماعت نہ ہو سکی۔ جج طاہر عباس سِپرا کی جگہ تاحال کچہری میں جج تعینات نہ ہو سکا۔ بانی پی ٹی آئی اور بشری بی بی کی جانب سے وکیل خالد یوسف عدالت میں پیش ہوئے۔ اسلام آباد کی ڈسٹرکٹ اینڈ سیشن کورٹ نے سماعت 24 اپریل تک ملتوی کر دی۔