برسلز (اے پی پی) مینز اینڈ ویمنز یورو ہاکی چیمپئن شپ (آج) ہفتہ سے بیلجیئم میں شروع ہو گی۔ مینز ایونٹ میں 8 ٹیمیں حصہ لیں گی جنہیں دو گروپوں میں تقسیم کیا گیا ہے۔ گروپ اے میں جرمنی، سپین، بیلجیئم اور جمہوریہ چیک جبکہ گروپ بی میں ہالینڈ، انگلینڈ، آئرلینڈ اور پولینڈ شامل ہیں۔ ویمنز ایونٹ میں بھی 8 ٹیموں کو مدعو کیا گیا ہے۔ گروپ اے میں ہالینڈ، بیلجیئم، آئرلینڈ اور بیلاروس جبکہ گروپ بی میں انگلینڈ، جرمنی، سپین اور سکاٹ لینڈ شامل ہیں۔ ایونٹ کا فائنل 25 اگست کو کھیلا جائے گا۔