لاہور+ فیروزوالہ (نامہ نگاران) شہر کے مختلف علاقوں میں 68 لاکھ کے ڈاکے‘ مزاحمت پر لاہور اور فیروزالہ میں 2 افراد زخمی ہو گئے۔کاہنہ میں دو ڈاکوئوں نے اینٹوں کی فروخت کے بعد رقم لیکر آنے والے شرافت سے رقم چھیننے کی کوشش کی اور مزاحمت پر فائرنگ کرکے زخمی کردیا اور شرافت علی سے 3 لاکھ 67 ہزار چھین کر فرار ہو گئے جبکہ نشتر کالونی میں نثار کے گھر سے دو ڈاکو اہل خانہ کو یرغمال بنا کر گھر سے 5 لاکھ 36ہزار کی نقدی، زیورات، اسلام پورہ بازار میں واقع کاشف کی دکان سے 3 ڈاکو 6 لاکھ 10ہزار، باغبانپورہ برکت پورہ میں واقع علیم کے گودام سے تین ڈاکو ایک لاکھ 55ہزار کی نقدی اور قیمتی سامان، ڈیفنس بی انور سعید اور اس کی فیملی سے 3لاکھ 20ہزار، ستوکتلہ میں نعیم اور اس کی بیٹی سے 3 لاکھ، شاہدرہ ٹائون میں شہزاد سے 75ہزار، نواں کوٹ میں افضل سے چار موبائل اور 50 ہزار، نواب ٹائون میں محمد علی سے 60ہزار، ماڈل ٹائون میں باسط سے 25 ہزار اور ہنجروال میں ناصر سے 20ہزار کی نقدی زیورٹ لوٹ لئے۔ جوہر ٹائون میں چودھری اکبر اور اس کے کرایہ داروں کے گھر سے چور 50 لاکھ کی نقدی، زیورات اور دیگر سامان چوری کرکے لے گئے۔ چوروں نے غالب مارکیٹ میں یاسین، شمالی چھائونی میں سے مرینہ کی گاڑیاں جبکہ جنوبی چھائونی میں سے اسلم اور امانت، وحدت کالونی میں سے رحیم، گجرپورہ میں عمران، شاہدرہ میں زاہد، داتا دربار میں فاروق، باغبانپورہ میں اسلم، مصطفی آباد میں محمد علی، نواب ٹائون میں آداب، گرین ٹائون میں وسیم، ہنجروال میں ناصر، سبزہ زار میں طارق، فیصل ٹائون میں لیاقت اور لوہاری گیٹ میں سے امین کی موٹرسائیکل چوری کرلیں۔ فیروزوالہ میں لاہور روڈ کی آبادی منڈیالی کے قریب ڈاکوئوں نے گن پوائنٹ پر موٹرسائیکل سوار ریاست علی سے 97ہزار روپے اور موبائل چھین لیا۔ شرقپور چوک کے قریب اکرم الحق سے 27ہزار، موبائل چھین لیا۔ ڈاکوئوں نے مشتاق پارک مریدکے میں مزاحمت پر گولی مار کر اویس کو زخمی کردیا اور چوروں نے شہزاد کے گھر سے نقدی، موبائل و دیگر سامان، نسیم کے گھر سے ہزاروں روپے کا سامان چوری کرلیا۔