بہاولنگر اور وہاڑی میں بھی ویڈیو بنا کر بلیک میل کرنیوالے گروہ کا انکشاف، 3 افراد گرفتار

فیروز والا + پاکپتن+ عارف والا + بہاولنگر+ وہاڑی (نامہ نگاران+نمائندہ نوائے وقت ) عارف والا میں لڑکے، پاکپتن، عارف والا میں 3 بچوں سے زیادتی، ویڈیو بنا لی۔عارفوالا کے نواحی گائوں 34.EB کے انجم سعید نے اپنے ساتھی ندیم اقبال کے ہمراہ اپنے ہی گائوں کے 10سالہ عابد حسین کو زیادتی کا نشانہ بنا ڈالا۔پاکپتن میں اوباش نوجوان نے اسلحہ کی نو ک پر2 کمسن بھائیوں سے زیا دتی کی اور بچوں کی برہنہ ویڈیو بنا لی ، والد کو بلیک میل کر کے رقم ہتھیاتا رہا، ڈی پی او پاکپتن کے نوٹس پر پو لیس نے مقدمہ درج کر لیا، ملزم گرفتار۔ محلہ سید جلال کے رمضان کے 2 بیٹوں 10 سالہ ساتویں کلاس کا طا لب علم عرفان اور 7 سالہ تیسری کلاس کا طالبعلم زوہیب کو اوباش نوجوان علی رضا اسلحہ کی نوک پر کئی ماہ تک زیادتی کا نشانہ بنا تا رہا۔ سرگودھا کے نواحی گائوں مانگنی کی مصباح رانی کو نذر حیات، اظہر حیات، نصرت حیات اور دو نامعلوم افراد نے اجتماعی زیادتی کا نشانہ بھی بنایا۔ چناب نگر میں یاریکے کے لیاقت ہرل کی بیوی پروین بی بی سے پرویز نے زبردستی زیادتی کی۔ چار اوباشوں کی ایک اور نوجوان سے زیادتی اسکی بھی ویڈیو بنا لی۔ علاوہ ازیں قصورکے بعد بہاولنگر اور وہاڑی میں بھی ویڈیو بنا کر بلیک میل کرنے والے گروہ کا انکشاف، 3 ملزم گرفتار۔ بہاولنگر میں لڑکیوں کے ساتھ بداخلاقی کرنے اور فحش ویڈیوز بنانے والے ملزمان کے خلاف ایس ایچ او تھانہ سٹی کی مدعیت میں مقدمہ درج ایک ملزم گرفتار کر لیا۔ انکشاف اس وقت ہوا جب ایک فحش وڈیو کلپ منظر عام پر آیا۔ ملزمان عاطف حسین عرف کالا اور ندیم احمد جو دونوں آپس میں بھائی ہیں نے انار کلی بازار نزد بخارا ہوٹل کلاتھ ہائوس بنایا ہوا ہے اور کپڑے کی دکان کی آڑ میں ملزمان لڑکیوں کے ساتھ بداخلاقی اور ان کی فحش وڈیو زبنانے کا گھنائونا کاروبار کرتے ہیں۔ علاوہ ازیں وہاڑی میں پولیس تھانہ ماچھیوال نے گروہ کے دو ارکان کو گرفتار کر کے مقدمہ درج کر لیا۔ سانحہ قصور کے بعد وہاڑی کے نواحی گائوں 561/EB میں ایک واقعہ کا مدعی سامنے آگیا۔ تاج محمد کے بیٹے محمد اشفاق نے پولیس تھانہ ماچھیوال کو درخواست گزاری اسی گائوں کے بااثر افراد کے بگڑے رئیس زادوں دلاور عرف کالا اور حبیب نے تقریباً 5 ماہ قبل اسے دکان سے اپنی بیٹھک میں بلا لیا اور کوئی نشہ آور چیز دے کر اسے بدفعلی کا نشانہ بنایا اور اس کی تصاویر اور وڈیو تیا ر کر لی جو اسے دکھا کر بلیک میل کرتے رہے جو وہ کماتا وہ لے جاتے وڈیو انٹر نیٹ پر ڈال دی۔ علاقہ میں شدید خوف و ہراس پایا جاتا ہے اگر یہی صورتحال رہی تو والدین اپنے بچوں کو شایدسکول نہ بھجوا سکیں انہوں نے ملزمان کو قرار واقعی سزا دینے کا مطالبہ کیا ہے ۔