نیتھن لیون زیادہ ٹیسٹ وکٹیں لینے والے تیسرے آسٹریلوی بائولر بن گئے

لارڈز( آن لائن )مایہ ناز آسٹریلوی سپنر نیتھن لیون نے ٹیسٹ کرکٹ میں سابق ہم وطن بائولر بریٹ لی کی زیادہ وکٹوں کا ریکارڈ برابر کر دیا۔ اسطرح وہ زیادہ وکٹیں لینے والے مشترکہ طور پر تیسرے آسٹریلوی بائولر بن گئے ہیں۔انہوں نے انگلینڈ کے خلاف شروع ہونے والے دوسرے ایشز ٹیسٹ میچ کی پہلی اننگز میں بین سٹوکس، جونی بیئرسٹو اور سٹورٹ براڈ کو آئوٹ کر کے یہ اعزاز حاصل کیا۔ دونوں بائولرز نے یکساں 355 وکٹیں لے رکھی ہیں۔ آسٹریلیا کی جانب سے شین وارن 708 وکٹیں لیکر پہلے اور گلین میگراتھ 563 وکٹیں لیکر دوسرے نمبر پر موجود ہیں۔