سنسناٹی ماسٹرز ٹینس ٹورنا منٹ ‘راجر فیڈرر کو اپ سیٹ شکست

لاہور(سپورٹس ڈیسک) سربیا کے ٹینس سٹار اور عالمی نمبر ایک نوواک جوکووچ، لیوکاس پائولی اور آندرے روبلو سنناٹی ماسٹرز ٹینس ٹورنامنٹ مینز سنگلز کوارٹر فائنل میں پہنچ گئے جبکہ سوئس سٹار اور ایونٹ کے تھرڈ سیڈڈ کھلاڑی راجر فیڈرر پری کوارٹر فائنل میں اپ سیٹ شکست کے بعد ایونٹ سے با ہر ہوگئے۔امریکہ میں جاری ایونٹ میں کھیلے گئے مینز سنگلز پری کوارٹر فائنل رائونڈ میچز میں نوواک جوکووچ نے انتہائی شاندار کارکردگی کا مظاہرہ کرتے ہوئے حریف ہسپانوی کھلاڑی باٹسٹا ایگٹ کو 6-3 اور 6-4 سے جبکہ فرانسیسی لیوکاس پائولی نے روسی کیرن خچانووف ہرا کر کوارٹر فائنل میں پہنچنے کا اعزاز حاصل کیا۔