سائوتھمپٹن ٹیسٹ : پاکستان236رنز پر آئوٹ ‘رضوان کے 72رنز 

لاہور(سپورٹس ڈیسک) پاکستان ٹیم انگلینڈ کے خلاف سیریز کے دوسرے ٹیسٹ میچ کے چوتھے دن 236رنز بناکر آئوٹ ہوگئی۔ محمد رضوان 72رنز بناکرآئوٹ ہوئے ۔ نسیم شاہ ایک رن پر ناٹ آئوٹ رہے ۔سٹورٹ براڈ نے چار جبکہ جیمز اینڈرسن نے تین کھلاڑیوں کو آئوٹ کیا۔ چوتھے دن کا کھیل بھی بارش کی وجہ سے تاکیر کاشکار ہوا۔ انگلینڈ نے اپنی پہلی اننگز میں ایک وکٹ کے نقصان پر 7رنز بنالئے ۔ انگلش ٹیم کا آغاز بھی مایوس کن رہا ‘برنس بغیر کوئی رن بنائے شاہین آفریدی کی گیند پر اسد شفیق کو کیچ تھما بیٹھے ۔ سبلی دو اور کرالی پانچ رنز بناکر کھیل رہے ہیں ۔ بارش کی وجہ سے گرائونڈ گیلی ہونے کی وجہ سے امپائرز نے میچ قبل ازوقت ختم کرنے کا اعلان کردیا ۔ آج میچ کا پانچواں اور آخری دن ہے ‘ابھی تک دوسری اننگز بھی مکمل نہیں ہوسکی ‘میچ کا ڈرا ہونا یقینی ہو گیا ہے ۔