فیروزوالہ( نامہ نگار) شاہدرہ فیروزوالہ اور جناح پارک میں گھریلو حالات سے دلبرداشتہ ہو کر دو شیزہ جوڑے سمیت پانچ افراد نے زہریلی گولیاں کھا لیں اور خود کشی کرنے کی کوشش کی جن کی حالت غیر ہونے پر ہسپتال داخل کرا د یا گیا۔ شاہدرہ میں یٰسین اور عمیر نے زہریلی گولیاں کھا لیں ‘حالت غیر ہو گئی  طبی امداد کیلئے ہسپتال داخل کرا دیا گیا۔ محلہ جناح پارک میں دوشیزہ ایشاء اور نوجوان جاوید اقبال نے زہریلی گولیاں کھاکر زندگی کا خاتمہ کرنے کی کوشش کی جو بیہوشی کی حالت میں ایک پارک سے پائے گئے ‘ریسکیو نے طبی امداد کیلئے ہسپتال داخل کرا دیا جہاں پر دوشیزہ کی حالت نازک بیان کی جاتی ہے۔ جواں سالہ خاتون(ر) نے گندم میں رکھنے والی زہریلی گولیاں کھا لیں‘حالت غیر ہونے پر ہسپتال داخل کر دیا گیا۔