پنوعاقل ،پولیس مقابلے میں ایک ڈاکو ہلاک، ساتھی فرار

سکھر‘ پنو عاقل(بیورورپورٹ) پنوعاقل کے قریب پولیس مقابلے میں ایک ڈاکو ہلاک، ساتھی فرار، اسلحہ برآمد، ہلاک ہونے والا ڈاکو پولیس کو سنگین نوعیت کے مقدمات میں مطلوب تھا، ایس ایس پی عرفان سموںایس ایس پی سکھر عرفان سموں کے مطابق سکھر ضلع کی تحصیل پنوعاقل کے تھانے بائیجی کی حدود کے علاقے اراضی لنک روڈ پر ڈاکوؤں کا ایک گروہ  واردات کے ارادے سے کھڑا تھا کہ پولیس پہنچ گئی جسے دیکھ کر ڈاکوؤں نے فائرنگ کردی جس کی جوابی فائرنگ میں ایک ڈاکو جس کی شناخت نبی بخش عرف نبو خروس کے نام سے ہوئی ہے موقع پر مارا گیا جبکہ اس کے دیگر ساتھی فرار ہونے میں کامیاب ہوگئے پولیس نے ہلاک ڈاکو کے قبضے سے کلاشنکوف اور گولیاں برآمد کرلی گئی ہیں اور اس کی نعش پولیس نے تحویل میں لے کر پوسٹ مارٹم کے لیے پنوعاقل اسپتال پہنچا دی ہے ایس ایس پی کے مطابق ڈاکو پولیس کو ایک عرصے سے مختلف سنگین نوعیت کے مقدمات میں مطلوب تھا اس کے فرار ساتھیوں کی گرفتاری کیلیے کوششیں شروع کردی گئی ہیں۔ پنوعا قل سے نا مہ نگار کے مطابق بائجی شریف پولیس نے دعویٰ کیا ہے کہ ان کی حدود ایراضی لنک روڈ پر ڈاکو واردات کی نیت سے کھڑے تھے کہ گشتی پولیس کو دیکھ پر ڈاکوؤں نے پولیس پر فائرنگ کر دی پولیس کی جوابی فائرنگ سے ایک ڈاکو ہلاک ہو گیا ہلاک ڈاکو کے قبضے سے کلاشنکوف اور گولیاں بھی بر آمد کر لی گئیں جب کہ اس کے ساتھی رات کی تاریکی کا فائدہ اٹھاتے ہو ئے فرار ہو نے میں کامیاب ہو گئے ہلاک ڈاکو کی نعش کو اسپتال منتقل کیا گیا جہاں اس کی شناخت نبی بخش عرف نبو خروس سکنہ بچل شاہ میانی سکھربطور ہو ئی پولیس کے مطابق ہلاک ڈاکو ڈکیٹی ،چوری ،پولیس مقابلوں سمیت سنگین جرائم میں پولیس کو مطلوب تھا پولیس کے مطابق ہلاک ڈاکو کا دیگر اضلا ع کے پولیس اسٹیشنوں سے مجرمانہ ریکارڈ معلوم کیا جا رہا ہے ۔