متعدد وارداتیں، شہری لاکھوں سے محروم، رائیونڈ سٹی میں 6لاکھ کا ڈاکہ

لاہور(نامہ نگار) لاہور کے مختلف علاقوں میںڈاکوئوںاور چوروںنے وارداتوں کے دوران متعدد شہریوں سے لاکھوں روپے مالیت کی نقدی، طلائی زیورات،موبائل فون، گاڑیاں ، موٹر سائیکلیں اور دیگر سامان لوٹ لیاہے۔ تفصیلات کے مطابق ڈاکوؤں نے رائیونڈ سٹی کے علاقے میں منصور الحق کے گھر گھس کر اہلخانہ کو گن پوائنٹ پر یرغمال بنا کر 6 لاکھ 30 ہزار روپے مالیت، برکی میں باسط اور اس کی فیملی سے 4 لاکھ 80 ہزار روپے مالیت کی نقدی، طلائی زیورات، موبائل فون اور دیگر سامان، گڑھی شاہو اشتیاق سے 3 لاکھ 70 ہزار روپے، کوٹ لکھپت میں عمران سے 2 لاکھ 35 ہزار روپے اور موبائل فون، مسلم ٹاؤن کے علاقے میں اشعر سے سلحہ کے زور پرایک لاکھ 80 ہزار روپے مالیت، شاہدرہ میں اویس سے ڈیڑھ لاکھ روپے اور موبائل فون، گلشن اقبال کے علاقے میں حسن سے 30 ہزار روپے اور موبائل فون لوٹ لیا ہے۔ چوروں نے قائد اعظم انڈسٹریل سٹیٹ، ڈیفنس، گلبرگ اور مصطفی ٹاؤن کے علاقوں سے 4 گا ڑیاں جبکہ کاہنہ، نواب ٹاؤن، باغبانپورہ، ملت پارک، جنوبی چھاؤنی اور باٹا پور کے علاقوں سے6 موٹرسائیکلیں چوری کر لی ہیں۔