ڈاکو ئوں کی شہریوں کو باندھ کر لوٹ مار، پولیس کا مقدمات پر اکتفا

 ملتان،کوٹ ادو ،میاں چنوں، میلسی (جنرل رپورٹر، نامہ نگار، خبر نگار،نمائندہ نوائے وقت)ڈاکو ئوں کی شہریوں کو باندھ کر لوٹ مار، پولیس کا مقدمات پر اکتفا ملتان سے جنرل رپورٹر کے مطابق تھانہ مظفرآبادکے علاقے آدھی والا سٹاف تین مسلح ڈاکو غضنفر عباس،محمد ایوب کی دوکان میں داخل ہوکر اسلحہ کی نوک پر27ہزار  روپے دوموبائل چھین کر فرار ہوگئے،تھانہ بستی ملوک کے علاقے بلوچاوالی پل محمد رفیق سے تین ڈاکو گن پوائنٹ پرموٹرسائیکل،12ہزار روپے وموبائل لے گئے،اسی تھانہ کی حدود چک15فیض امان اللہ سے تین ڈاکو اسلحہ کی نوک پر موٹرسائیکل، 2ہزار لے گئے،تھانہ راجہ رام کے علاقے مٹوٹلی سے ارشد سے پانچ مسلح ڈاکو نے 20ہزار ودوموبائل چھین کر لے گئے،تھانہ مخدوم رشید کے علاقے بابر چوک غلام عباس سے دوڈاکو13ہزار و موبائل لے گئے،تھانہ سیتل ماڑی کے علاقے موٹرسائیکل سوارملزم جاوید احمد کا موبائل مالیت 15ہزار جھپٹا مارکر چھین کر فرار ہوگیا، تھانہ چہلیک کے علاقے شہباز شریف ہسپتال اسٹینڈ سے زوہیب حسن کی موٹرسائیکل، سیتل ماڑی کے علاقے پروین بی بی کے گھر سے نقدی و سونا مالیت61ہزار، تھانہ لوہاری گیٹ کے علاقے فائر بریگیڈ دفتر سے عبدالجبار کی موٹرسائیکل جبکہ تھانہ قادر پورراں کے علاقے قسور ھسین کے ہوٹل سے تار کیبل مالیت30ہزار چوری ہوگئے۔کوٹ ادو سیخبرنگار کے مطابق چک نمبر 649  ٹی ڈی  اے کاٹریکٹر ڈرائیوراحمدبخش چانڈیہ گزشتہ روز ٹریکٹر ٹرالی پراینٹیں ڈال کر رنگ پور سے واپس آ رہا تھا کہ 4بجے دن اڈہ پٹھان چوک کے قریب 4مسلح ڈاکوؤں نے اسے قابو کر لیا اور رسیوں سے باندھ کر ٹریکٹر،اس کی جیب سے 15ہزارروپے اور قیمتی موبائل فون لے کر فرار ہو گئے جبکہ بستی امیر شاہ کارہائشی کاشف گاڈی جو کہ فیصل آباد میں مزدوری کرتا ہے گزشتہ شب فیصل آباد سے گھر آیا اور رات 2بجے شب بس سے اتر کر پیدل گھر جا رہا تھا کہ راستہ میں 4نامعلوم موٹر سائیکل سوار ڈاکوؤں نے اسے دبوچ لیا اور اسے درخت سے باندھ کر اس کی جیب سے نقدی 10 ہزار روپے نقدی،موبائل فون اور بیگ جس میں کپڑے اور گھریلو سامان تھا چھین کر فرار ہو گئے، پولیس نے مقدمات درج کر لئے ۔میاں چنوں سیخبر نگار، نامہ نگار، نمائندہ نوائے وقت کے مطابق میاں چنوں کے تھانہ سٹی کی حدود جی ٹی روڈ نزد یو بی ایل بینک سے تین موٹر سائیکل سوار مسلح ڈاکووں نے اصغر نامی شہری سے 50ہزار  چھین کر فرار ہوگئے،دوسری واردات تھانہ صدر کی حدود 43پندرہ ایل کے قریب ہوئی جس میں تین مسلح ڈاکووں نے راہگیر آمین بھٹی سے 12ہزارکی نقدی اور موبائل چھین کر فرار ہوگئے،یاد رہے کہ گزشتہ کئی دن سے میاں چنوں میں ڈکیتی وچوری کی وارداتیں ہو رہی ہیں جس وجہ سے عوام شدید اذیت کا شکار ہے عوامی حلقوں نے بڑھتی وارداتوں کو کنٹرول کرنے اور ملزمان کی گرفتاری کا مطالبہ کیا ہے۔میلسیسیخبر نگارکیمطابق موضع فدہ کا رہائشی شہزاد کریم وقوعہ کی شب اپنے کھیت کو پانی لگانے کیلئے گیا اور اپنی موٹر سائیکل محمد آصف وصلی کے گھر کے سامنے کھڑی کر دی جہاں سے نامعلوم افراد اس کی موٹر سائیکل چوری کر کے لے گئے مظفر گڑھ کے محمد وارث ٹرک ڈرائیور کو ٹول پلازہ 160ڈبلیو بی کے قریب روک کر نامعلوم افراد نے ٹرک سے 1لاکھ 38ہزار روپے مالیت کے سوتر دھاگے کے بورے چھین لیئے اور فرار ہو گئے جبکہ گورنمنٹ پرائمری سکول قادر پور میں رات کے وقت نامعلوم افراد نے اندر گھس کر سکول کا بجلی کا ٹرانسفارمر اور واٹر پمپ چوری کر لیا اور فرار ہو گئے پولیس نے مقدمات درج کر لیئے ۔