فخر زمان کی سنچری ‘سنسنی خیز مقابلہ پاکستان نے نیدر لینڈز کو پہلا  ون ڈے 16رنز سے ہرا دیا 

لاہور(سپورٹس رپورٹر)پاکستان اور نیدرلینڈز کے درمیان کھیلے جا رہے پہلے ون ڈے میچ پاکستان نے سنسنی خیز مقابلے کے بعد نیدرلینڈز کو 16 رنز سے شکست دیدی۔ روٹرڈیم میں کھیلے گئے میچ میں پاکستان کے کپتان بابر اعظم نے ٹاس جیت کر پہلے بیٹنگ کا فیصلہ کیا۔پاکستان نے 6 وکٹوںپر 314 رنز بنائے۔اننگز کے آغاز میں اوپنر امام الحق محض دو رنز پر پویلین واپس لوٹ گئے۔فخر زمان اور  بابر اعظم نے ذمہ دارانہ بیٹنگ کی، فخرزمان 109 رنز بناکر نمایاں رہے جبکہ بابراعظم نے 74 رنز بنائے۔ شاداب خان نے 28 گیندوں پر 48 رنز کی ناقابل شکست اننگز کھیلی۔ باسڈی لیڈے اور لوگان وین بیک نے دو، دو وکٹیں حاصل کیں۔315 رنز کے تعاقب میں نیدر لینڈز کی ٹیم  8 وکٹ پر 298 رنز بناسکی۔ وکرم جیت سنگھ اور ٹام کوپر 65 ،65 رنز بناکر نمایاں رہے، کپتان سکاٹ ایڈورڈز نے 71 رنز کی ناٹ آئوٹ اننگز کھیلی۔حارث رؤف اور نسیم شاہ نے 3 ،3 جبکہ محمد وسیم اور محمد نواز نے ایک ایک وکٹ حاصل کی۔فخر زمان کو میچ کا بہترین کھلاڑی قرار دیا گیا۔دونوں ٹیموں کے درمیان دوسرا میچ 18 اگست اور تیسرا 21 اگست کو کھیلا جائیگا۔