ایمن آباد( نمائندہ نوائے وقت )جمعیت اشاعت توحید والسنہ ونوجوانان کے زیر اہتمام پاکستان زندہ باد ریلی نکالی گئی،پیر سید شفاء اللہ شاہ بخاری،حافظ شہباز رسول،مفتی ظہیرالدین بابر نے کہا کہ پاکستان رہتی دنیا تک قائم رہنے کے لئے معرض وجود میں آیا ہے اللہ تعالی کے فضل وکرم سے جب تک ہماری پاک افواج ہیں دنیا کا کوئی بھی مکار اس لی طرف میلی آنکھ سے نہیں دیکھ سکتا اس ملک کی نظریاتی اور جغرافیائی سرحدوں کی حفاظت کے لئے ہمیں اپنے اداروں کو مضبوط کرنا چاہیے،اسلامی دنیا کی واحد ایٹمی طاقت کے ساتھ ساتھ ہمیں دنیا کی مضبوط ترین آرمی کے جوانوں کی ہمت کا بھی ساتھ ہے بھارت اور اسرائیل سے گٹھ جوڑ کا خواب دیکھنے والوں کے لئے اس ملک میں کوئی جگہ نہیں ہے ریلی شیخوپورہ موڑ سے شروع ہوکر سیا لکوٹی دروازہ اختتام پزیر ہوئی مفتی عبدالقاہر،مولانا نصراللہ خان راشد،حافظ عثمان بٹ،قاضی عصمت اللہ ،مولانا اعجاز غزنوی اور مولانا اشرف ماہر نے بھی اپنے خطاب کیا۔