میہڑ( نامہ نگار) میہڑ کچے کے علاقے میں مختلف تھانوں کی پولیس اور ڈاکوں میں مبینہ مقابلہ۔ 3 ڈاکو زخمی حالت میں گرفتار۔ اسلحہ اور موٹر سائیکل بر آمد۔ تفصیلات کے مطابق ضلع دادو کے کچے کے تھانہ راجو دیرو کے علاقے میں میہڑ سمیت ضلع کے مختلف تھانوں کی پولیس اور ڈاکوں میں مبینہ مقابلہ ہو گیا۔ فائرنگ کے تبادلے کے بعد پولیس نے 3 ڈاکوں کو زخمی حالت میں گرفتار کر لیا۔ جن سے اسلحہ اور ایک چھینی ہوئی موٹر سائیکل بہی بر آمد کرلی ہے۔ گرفتار زخمی ہونے والے ڈاکوں کی شناخت امتیاز جھتیال۔ علی بخش بروہی اور وزیر چانڈیو کے نام سے کی گئی ہے۔ جن کو اسپتال منتقل کیا گیا۔ دوسری طرف ایس ایس پی دادو عرفان علی سموں کے مطابق تہانہ میہڑ بی سیکشن کی حدود میں ایک شخص سعید سولنگی سے ڈاکوں نے موٹر سائیکل چھینی تھی اور وہ چھینی ہوئی ون ٹو فائیو موٹر سائیکل۔ پسٹل اور گولیاں بھی ان سے بر آمد کی گئی ہیں ۔ ایس ایس پی دادو عرفان علی سموں نے کہا ہے کہ دادو ضلعے کے کچے کے تہانہ راجو دیرو کے علاقے میں کاروائی کے دوران پولیس اور ڈاکوں میں مقابلہ ہو گیا۔ جبکہ مقابلے میں پولیس نے زخمی حالت میں 3 ڈاکوں کو گرفتار کرلیا۔ مقابلے میں زخمی ہونے کے بعد گرفتار تینوں ڈاکوں پر 8 سنگین جرائم کے مقدمات درج ہیں۔ جس میں ڈاکو امتیاز جھتیال پر 4۔ وزیر چانڈیو کے خلاف 3 اور علی بخش بروہی پر قتل کا مقدمہ داخل ہے۔ وہ پولیس کو مطلوب تھے۔ ایس ایس پی دادو عرفان علی سموں نے مزید کہا کہ ضلعہ میں جرائم پیشہ اور سماج دشمن عناصر و ں کیخلاف کاروائی جاری رہیگی۔ جرائم کو جڑ سے ختم کرینگے۔ اور عوام کو تحفظ دینا پولیس کا فرض ہے۔
اسلحہ برآمد