ملتان(خصوصی رپورٹر)فیڈرل گورنمنٹ انسپکٹر آف ریلوے امیر محمد داو¿د پوتا ملتان ڈویڑن کے دو روزہ دورے پر 21 اگست کو آئیں گے۔ وہ اتوار کے روز ایک مصروف دن گزارنے کے بعد 22 اگست کو خانیوال اور شور کوٹ ریلوے سیکشن کا دورہ کر کے سسٹم کا معائنہ کریں گے۔ ان کے ہمراہ سی ای او ریلوے ہیڈ کوارٹر فروخ تیمور بھی ہوں گے۔
 اے سی جہانیاں کا معائنہ بنیادی
 مرکز صحت چک 102 ٹن آر
جہانیاں (نمائندہ نوائے وقت ) اسسٹنٹ کمشنر جہانیاں چوہدری محمد اکمل نے بنیادی مرکز صحت چک نمبر 102 ٹن آر کا دورہ کیا ،صفائی ستھرائی کا جائزہ لیا ،حاضری چیک کی ،ریکارڈ کی چھان بین کی، ادویات کا سٹاک سٹاک رجسٹر کے مطابق چیک کیا، مجموعی کارکردگی کو تسلی بخش قرار دیا۔
 سکولوں میں ہارڈ شپ
 پر تبادلے کرنے کافیصلہ 
ملتان(خصوصی رپورٹر) سکولوں میں ہارڈ شپ پر تبادلے کرنے کافیصلہ محکمہ سکولز نے ایک بار پھر اساتذہ کے تبادلوں کا فیصلہ کیا ہے یہ تبادلے ہارڈ شپ کے تحت کئے جائیں گے جس کےلئے درخواستیں جلد طلب کی جائیں گی۔