فیروز والہ( نامہ نگار) ڈکیتی، چوری اورراہزنی کی وارداتوں میں ڈاکوو ں کی لوٹ مار ڈاکو  راہگیروں ،تاجر اورمسافروں سے لاکھوں روپے کی نقدی قیمتی سامان اور موٹر سائیکلیں چھین کر لے گئے ۔لاہور روڈ پر بائی پاس کے قریب چار ڈاکو تاجر مختار احمدسے ایک لاکھ سات ہزار روپے رقم اور دو موبائل چھین کر لے گئے ۔ چوروں نے محنت کش اسلم کے گھرمیں گھس کر 55ہزار روپے نقدی اور 7 لاکھ روپے مالیت کے طلائی زیورات چوری کر لئے۔7ڈاکو ایک فیکٹری میں داخل ہو کر فیکٹری ملازمین کو یرغمال بنا کر محمد عمران وغیرہ سے نقدی اور موبائل چھین کر فرار ہو گئے۔شرقپور شریف کے علاقہ نئی بھینی کے قریب3مسلح موٹرسائیکل سوارں نے منڈی فیض آباد کے رہائشی محمدفیض سے نقدی اور 2موبائل چھین کر فرار ہو گئے۔ ڈاکو امتیاز سے 60 ہزار روپے رقم اور دو موبائل چھین کر لے گئے۔ چوروں نے مختلف علاقوں سے پانچ موٹر سائیکلیں چوری کر لی۔