خدمت گروپ ایمپلائز یونین کا محمد علی رندھاوا ،علی عباس بخاری کو استقبالیہ

لاہور(خبرنگار) خدمت گروپ ایمپلائز یونین سی بی اے میٹروپولیٹن کارپوریشن کی طرف سے کمشنر لاہور و ایڈمنسٹریٹر میٹروپولیٹن کارپوریشن محمد علی رندھاوا چیف آفیسر علی عباس بخاری کو ٹاؤن ہال میں استقبالیہ دیا گیا جس میں یونین لیڈران سمیت سینکڑوں کی تعداد میں ملازمین نے بھرپور شرکت کی۔ سی بی اے یونین کے صدر گل نواز خان سواتی سیکرٹری جنرل محمد احمد نے خطاب کیا۔ انہوں نے کہا کہ جس طرح ایڈمنسٹریٹر میٹروپولیٹن کارپوریشن محمد علی رندھاوا اور چیف آفیسر علی عباس بخاری نے ملازمین کے وسیع ترمفادات کے حوالے سے تاریخی کام کیے ہیں ان کو ہمیشہ یاد رکھا جائے گا۔ دریں اثناء کمشنر لاہور و ڈی جی ایل ڈی اے محمد علی رندھاوا سے گزشتہ روز بنک آف پنجاب اور زندگی (جے ایس بنک) کے وفودکی ملاقات ہوئی۔کمشنر لاہور و ڈی جی ایل ڈی ا ے محمد علی رندھاوا نے کہا کہ ایل ڈی اے جلد بینک آف پنجاب اور زندگی (جے ایس بینک) سے ایم او یو سائن کرے گا۔ زندگی (جے ایس بینک) ون ونڈو سیل کیلئے جدید اصولوں پر استوار سافٹ ویئر فراہم کریگا۔