لاہور(سپورٹس رپورٹر) دوسرے ماڑی پٹرولیم آزادی کپ ہاکی ٹورنامنٹ کے دوسرے دن ائیر فورس اور واپڈا کے مابین کھیلا گیامیچ واپڈا نے یکطرفہ مقابلے میں 1 کے مقابلے میں 7 گول سے جیت لیا۔ توفیق ارشد نے 2 گول اور  اعجاز احمد ، عبد الرحمٰن ، علی اعجاز ، احمد خان اور حنان شاہد نے ایک ایک گول کیا۔ آرمی کلرز نے پنجاب رینجرز کو 1 گول کے مقابلے میں 5 گول سے شکست دیدی۔ اویس زاہد نے 2 گول جبکہ مزمل، غضنفر اور وسیم اکرم نے ایک ایک گول کیا۔ نیوی اور ماڑی پٹرولیم کے مابین کھیلا میچ 3 تین گول سے برابر رہا۔