اسلام آباد (نیٹ نیوز) اداکارہ منسا ملک نے ساتھی اداکارہ علیزے شاہ کے خلاف تشدد کی ایف آئی آر درج کرا دی۔ اسلام آباد کے ویمن پولیس سٹیشن میں دی گئی درخواست میں الزام لگایا ہے کہ علیزے شاہ نے 15 اگست کو ڈرامے کی شوٹنگ کے دوران ان کے اوپر جلتا ہوا سگریٹ پھینکا اور سنگین نتائج کی دھمکیاں دیں، علیزے شاہ نے مجھے جوتوں سے بھی مارا اور میں نے بڑی مشکل سے اپنی جان بچائی۔ انہوں نے علیزے شاہ پر منشیات استعمال کرنے کا بھی الزام عائد کیا ہے۔