فیروز والہ؍ نارنگ منڈی؍ کھوٹی رٹہ (نمائندہ نوائے وقت+ نامہ نگاران) نارنگ منڈی اور کھوئی رٹہ میں 3 بچے ڈوب گئے، 3 کو بچا لیا گیا۔ مریدکے نارووال روڈ پر واقع پنڈوری گائوں کے قریب نہر میں نہاتے ہوئے تین بچے ڈوب گئے۔ مقامی دیہاتیوں اور ریسکیو 1122 نارنگ کی امدادی ٹیم کی بروقت کارروائی سے 9 سالہ عبداللہ اور 10 سالہ آمنہ کو ریسکیو کر کے ہسپتال منتقل کر دیا گیا جبکہ 12 سالہ زین کی نعش کی تلاش جاری ہے۔ تینوں بچے نواحی ڈیرہ قائم پورہ کے رہائشی تھے۔ کھوٹی رٹہ کے  نواحی گاؤں بھروٹ گالہ کے مقام پر تین بچے نالہ بان میں نہاتے ہوئے ڈوب گئے، ایک بچے کو زندہ بچا لیا گیا جبکہ دو بچے زندگی کی بازی ہار گئے۔ ساحل ولد محمد شمعون عمر سات آٹھ سے قریب ہے جبکہ دوسرا بچہ نعمان ولد عرفان عمر آٹھ سے نو سال کے قریب ہے دونوں بچے ایک ہی خاندان کے ہیں اور آپس میں کزن ہیں۔